karwanjamal79@yahoo.com:
سيسته مى هة مو سايته كه:
نسخه: بیت
ئه ندازه ى شاشه كه:

به‌خێربێن بۆ سایتی ڕوناکی هه‌مه‌ڕه‌نگ

نويبوونه وه ى اضافه به علاقمندی ها نه خشه ى سايت

ريكلام

ريكلام

ده رباره ى ئيمه


وينه


 

به شه كانى ميوان

میوانانی سه‌رهێڵ

ژ. سه‌ردان

 

تقویم

دواين بابه ت

ريكلام

پشتیبانی آنلاین



معرفی سایت به دوستان

 
ناوى خوت:
ئيميلى خوت:
نوى هاوريكه ت:
ئيميلى هاوريكه ت:


Powered by ParsTools

كاتيكى خؤش
ريكلام

موضوع: | نوسينه كان:

ایەقە و رابیعە خەریكی كاری ناو ماڵ بوون، بێ ئاگابوون لەوەی كە پشتیوانی برازایان پیلانی كوشتنی بۆ داناون، پشتیوان هەردوو پوورەكەی دایە بەر دەستڕێژی گوللە. باوكی لایەقە و رابیعە دەیگوت "پشتیوان هەردوو كچەكەمی كوشت، دەمەوێ حكومەت لە سێدارەی بدات".
ئێوارەی 18/6/2010 لە گەڕەكی باداوەی هەولێر دوو خوشك بەناوی رابیعە حەمەدەمین، 33ساڵ، لایەقە حەمەدەمین، 37ساڵ، لەلایەن برازایەكیانەوە بەناوی پشتیوان زاهیر حەمەدەمین كوژران. پشتیوان هەڵاتووە، بەڵام فەرمانی گرتنی دەرچووە.
حەمەدەمین عەزیز حوسێن، 80ساڵ، باوكی لایەقە و رابیعە، كە دەكاتە باپیری پشتیوانی بكوژ لەناو ماڵەكەی خۆی لەو شوێنەی كچەكانی لێكوژرا دانیشت و قسەی بۆ (رووداو) كرد. خەمێكی گەورە لە چاوەكانی بەدی دەكرا، بە هەناسە سوارییەوە باسی كوشتنی دوو كچەكەی بە دەستی كوڕەزاكەی گێڕایەوە. حەمەدەمین بەر لە كوشتنی دوو كچەكەی 3 كوڕ و 5 كچی هەبوو، كوڕەكانی ژنیان هێناوەو ماڵیان جیایە و چوار كچیشی بە شوو داوە، بەڵام لایەقە لە مێردەكەی جیابووەتەوەو لەگەڵ رابیعەن خوشكی كە شووی نەكردبوو لەگەڵ باوكیان دەژیان، دایكی ئەو دوو كچەكەش كۆچی دواییكردووە. ماڵی پشتیوان دراوسێیانە. پشتیوان ژنی هێناوە و باوكی 2 كوڕەو وەستای سپیكاری بوو.
ئەو ئێوارەیەی لایەقەو رابیعە كوژران، حەمەدەمینی باوكیان لە بازاڕ گەڕابووەوەو پێویستی ماڵی كڕیبوون. ئەو دەیگوت كچەكانم بەردەوام خزمەتی منیان دەكردو بەو ئێوارەیە ریشیان بۆ تاشی. پاشان دەچن خەریكی كاری ناوماڵ دەبن "پشتیوان لە ناكاو بە كڵاشینكۆفەوە هاتە ژوورەوە، چەكەكەی سواربوو، كچێكم ئاوی دەكردە ناو تانكی موبەڕیدە، پشتیوان بێ ئەوەی یەك قسە بكات، تەقەی لێكرد و كوشتی، كچەكەی دیكەشم خەریكی كاری ناوماڵ بوو، تەقەی لەویش كردو ئەویشی كوشت، كچەكانم ئاگایان لە پشتیوان نەبوو دەیانكوژێت، هەردووكیان كەوتنە سەر زەوی و بینیم خوێن لە حەوشە رژا".
لەو كاتەی لایەقەو رابیعە كوژران، مستەفا حەمەدەمینی برایان لە نزیك ماڵی باوكی دەبێت، بەپەلە رادەكات دەبینێ هەردوو تەرمی خوشكەكەی لە حەوشە كەوتوون "ئەوكاتەی من گەیشتم پۆلیس گەیشتبووە ماڵمان و تەرمەكانی دەگواستەوە نەخۆشخانە".
پشتیوان ماوەیەك لەمەوبەر پێشمەرگە بووەو وازی لێهێنابوو، چەكەكەیشی هەر هی پێشمەرگایەتی بوو، پشتیوان دوای كوشتنی پوورەكانی هەڵدێت. باوكیرابیعە و لایەقە دەستی بۆ ناو ژوورەكە رادەكێشاو شوێنی كوشتنی كچەكانی پیشاندەدا، ئاماژەی بۆ ئەو شوێنانەش دەكرد كە گوللەی دیكەیان بەركەوتبوو "ئێرە هەموو شوێنی گوللەیە، سەیركە چەند گوللە بە حەوشە كەوتووە، زیاتر لە 26 گوللەی تەقاندووە".
زارا حەمەدەمین، خوشكی لایەقەو رابیعە دوای كوژرانی خوشكەكانی لەگەڵ باوكی دانیشتبوو. زارا باسی لەوە دەكرد، خوشكەكانی پشتیوانیان لە برای خۆیان خۆشتر دەویست، هەرچییەكیان هەبووایە دەیاندا ماڵی ئەویش، بەردەوام دوو كوڕەكەی پشتیوان لە ماڵی ئەوان بوون، ئەوەی خەمی زارای گەورەتر كردووە، باشی خوشكەكانی بوو بۆ باوكیان "بەردەوام خزمەتی باوكمیان دەكرد".
بەپێی ئەو زانیاریانەی لە سەرچاوەیەكی پۆلیسەوە دەست (رووداو) كەوتوون، پشتیوان ماوەیەك بوو پەیوەندی لەگەڵ كچە پوورێكیدا هەبووە، لایەقەو رابیعەش ئاشكرایان كردووەو بەخێزانی پشتیوانیان گوتووە، كە پشتیوان حەز لە كچە خوشكێكیان دەكات، بەڵام مام حەمەدەمین ئەو قسانەی رەتكردەوەو گوتی "ئەگەر پشتیوان ویستبێتی ژنی دیكەش بێنێت، لایەقەو رابیعە هەقیان نەبووە، ئەو باوكی خۆی هەیە". زاراش بێ ئاگایی خۆی لەوە پیشاندا كە خوشكەكانی هیچ كێشەیان لەگەڵ پشتیوان هەبووبێت و زارا كە بەو رووداوە تاساوە دەڵێت "شتی وام نەزانیووە كە خوشكەكانم باسی ئەویان لای ژنەكەی كردبێت، لە هەموو خەڵكی بپرسە بزانە خوشكەكانی من هیچ خراپەی پشتیوانیان هەبووە؟ دراوسێیەكان ئەوەندە خۆشیان دەویستن چەند رۆژە بۆیان دەگریێن".
پشتیوان تا ئەو تاوانەی نەكرد، لای حەمەدەمینی باپیری لە كوڕەكانی خۆشەویستربوو، بەڵام ئێستا سكاڵای لە دژی پشتیوان تۆماركردووەو دەڵێت، دەبێ بگیرێت  و بە هیچ شێوەیەك نابێ حكومەت ئازادی بكات "ئەوەی بەرگریشی لێ بكات لای من قەبوڵ نییە، باوكیشی گیرابوو، بەڵام ئازادكرا، ئەگەر تاوانی هەبووایە نەماندەهێشت بەربێت، پشتیوان هەڵاتووە، باوكی پشتیوان دەیگوت ئەگەر بزانم لە كوێیە ناهێڵم بگاتە حكومەت خۆم دەیكوژم، هەموومان لێی بەرین". حەمەدەمین گوتیشی"گەیشتومەتە ئەو تەمەنە تاوانی وام نەبینیووە، دوو پوری خۆی لە خۆڕا كوشت، داوا دەكەم لە سێدارەی بدەن".
ملازم ژیان تەلعەت، سەرپەرشتیاری بەدواداچوون لە بەڕێوەبەرایەتی بەدواداچوونی تووندوتیژی دژ بە ئافرەتان لە هەولێر بە(رووداو)ی راگەیاند، ئەو دوو خوشكە لەلایەن كوڕی برایانەوە كوژراون، لەسەر ئەوەی كە ئەو دوو خوشكە بە خێزانی پشتیوانیان گوتووە، كە پشتیوان پەیوەندی سۆزداری هەیە "لەسەر ئەوە پوورەكانی خۆی كوشتووە، سكاڵایان لە دژی پشتیوان تۆمار كردووە، فەرمانی گرتنی دەرچووە بە پێی مادەی 406، بەڵام تائێستا دەستگیر نەكراوە".


موضوع: | نوسينه كان:

 
زه‌که‌ریا و به‌ڵێنه‌ ڕه‌نگینه‌کان

ده‌ستی له‌ خۆڵه‌که‌دا بوو به‌ په‌نجه‌ بچوکه‌کانی خه‌ریکی هه‌ڵکه‌ندی خۆڵه‌که‌ بوو تا جێگای مه‌نجه‌ڵی ماڵه‌ باجێنه‌که‌ی تیا ببێته‌وه‌، که‌ لێم پرسی چاوگه‌شه‌ جوانه‌که‌ ئه‌وه‌ بۆ له‌م خۆڵه‌دا خۆت پیس کردووه‌؟ووتی هه‌ر ئه‌م هه‌فته‌یه‌ یان له‌وانه‌یه‌ دوو هه‌فته‌ی تر کاک زه‌که‌ریا که‌ سیدییه‌کانی فرۆشت قازانجه‌که‌ی بۆ ئێمه‌ سه‌رف ئه‌کات به‌ڕاستمه‌! دایکم ووتی له‌ هه‌موو شوێنه‌کان له‌ بازاڕه‌کان له‌ ته‌له‌ڤیزێۆنه‌کان باسی ئه‌وه‌ی کردووه‌ که‌ داهاته‌که‌ی بۆ منداڵانی ئه‌نفال سه‌رف ئه‌کات، ڕاسته‌ من دایک و باوکی خۆمم هه‌یه‌ به‌ڵام دایک و باوکی من کوڕ و کچه‌ ئه‌نفالن وه‌ هه‌موو گونده‌که‌مان پاشماوه‌ی ئه‌نفاله‌، هه‌موو خه‌ڵکی ئاوایش هه‌ر وا ئه‌ڵێن چاوه‌ڕوانی کاک زه‌که‌ریا سیدییه‌کان‌ بفرۆشێت، هه‌موو هاوڕێکانیشم هه‌ر وا ئه‌ڵێن که‌ باخچه‌یه‌کمان بۆ ئه‌که‌ن و هه‌مووی ئه‌کات به‌ سه‌وزایی و شاری یاری بۆ منداڵان ئیتر ئیمه‌ش یاری له‌ناو خۆڵ و قوڕدا ناکه‌ین. له‌به‌رده‌م مزگه‌وته‌که‌شدا کۆمه‌ڵێک گه‌نج ڕاوه‌ستابوون و گفت و گۆیان گه‌رم بوو باسی ڕۆژیشیان هه‌مان باسی منداڵه‌کان بوو به‌ڵام چاوه‌ڕوانی ئه‌وان جیاوازتر بوو، هه‌ندێکیان بڕوایان وابوو که‌ دیاریه‌که‌ی زه‌که‌ریا بده‌نه‌ خۆیان و تا قوتابخانه‌یه‌کی پێدروست بکه‌ن بۆ منداڵه‌کانیان بۆ ئه‌وه‌ی له‌سه‌رما و گه‌رما و قوڕو چڵپاوی به‌ینی ئاواییه‌کان ڕزگاریان ببێت، هه‌ندێکی تریان وایان پێباش بوو که‌ شه‌قامی سه‌ره‌کی به‌ینی گونده‌کانیان و ناحیه‌یان بۆ چاک بکه‌ن تا ئۆتۆمۆبێل هه‌موو وه‌رزێک بێ کێشه‌ هاتوو چۆ بکات، لای هه‌ندێکی تریان گرنگترین کار که‌ حه‌زیان ئه‌کرد بۆیان بکرێت کردنه‌وه‌ی بنکه‌یه‌کی ته‌ندروستی بوو، به‌ڵام هه‌موویان له‌وه‌دا کۆک بوون که‌ هونه‌رمه‌ند په‌یمانی دا هه‌ر ئه‌یباته‌ سه‌ر، ئه‌وان له‌ په‌یمانی سیاسیه‌کان دڵنیا ببون جیتر بڕوایان به‌ به‌ڵێنه‌ ڕه‌نگداره‌کان نه‌مابوو چیتر ئه‌و جۆره‌ به‌ڵێنانه‌ دڵیانی ڕانه‌ئه‌چڵه‌کان و خه‌یاڵیانی داگیر نه‌ئه‌کرد که‌ بیر له‌ چ جۆره‌ پرۆژه‌یه‌ک بکه‌نه‌وه‌ ئه‌یانزانی که‌ به‌ڵێنی سیاسیه‌کان ته‌نها بۆ ڕاکێشانی سه‌رنجی که‌سانی بێئاگا و ئه‌فامه‌، به‌ڵام هونه‌رمه‌نده‌کان په‌یمانیان جێ به‌جێ ئه‌که‌ن وه‌ پێشینه‌ی ئه‌م کاره‌شیان بینیوه‌ که‌م هونه‌رمه‌نده‌کانی جیهان ساڵانه‌ چه‌ندین ملیۆن دۆلار ئه‌به‌خشنه‌ ئه‌و که‌سانه‌ی که‌ پێویستیان به‌ یارمه‌تی ئه‌وان هه‌یه‌، ئه‌زانن که‌ هونه‌رمه‌نده‌کان خاوه‌ن هه‌ستێکی زۆر تایبه‌ت و ناسکن بێ به‌ڵێنی له‌ ڕۆژمێری ئه‌واندا نییه‌. لای کیژان و خانمانی ئاوایش هه‌مان باس بوو باشترین کار که‌ بۆ ئه‌وان بکرێت وایان پێ باش بوو که‌ پرۆژه‌یه‌کی ئاویان بۆ د ابین بکرێت، هه‌رزه‌کارانیش گه‌وره‌ترین ئاواتیان ئه‌وه‌ بوو که‌ هه‌ندێک له‌و پێده‌شته‌یان بۆ چاک بکرێت و تا 4 داری لێ بچه‌قێنن و ناوی بنێن یاریگا.
لێره‌دا ئه‌گه‌ڕێمه‌وه‌ چیتر تاقه‌ت ناگرم گوندێکی تر بڕۆم و ئه‌م هه‌موو خه‌یاڵه‌ ناکامانه‌ ببیستم.
ئه‌زیزان ئه‌مه‌ دیمانه‌یه‌ک بو له‌گه‌ڵ گوندێکی ئه‌نفالکراودا له‌ ڕوانگه‌ی ئه‌م دیمانه‌یه‌وه‌ ڕێگا به‌ خۆم ئه‌ده‌م هه‌ندێک پرسیار بکه‌م گرنگیش نییه‌ به‌لامه‌وه‌ وه‌ڵام ئه‌بێت یاخود نا.
ئایا به‌ڕێز زه‌که‌ریا مه‌به‌ستی چی بوو له‌و به‌ڵێنانه‌ی؟ ئه‌گه‌ر خزمه‌ت، کوا؟ له‌کوێ کرا؟ چ کۆمپانیایه‌ک جێ به‌جێی کرد؟ له‌ چ پرۆژه‌یه‌ک و بۆ چ شوێنێک ته‌رخان کرا؟ بڕی دیاری ته‌رخان کراو چه‌نده‌؟ وه‌ک ڕیکلام ئه‌که‌یت بۆ به‌رهه‌مه‌که‌ت و له‌ پاڵیه‌وه‌ به‌ڵێنی کاری خێر خوازی ئه‌ده‌یت بۆ ئه‌نجامه‌که‌شی دیاری ناکه‌یت؟ هه‌موو ئه‌زانین که‌ هه‌ر به‌رهه‌مێک پاش بڵاو کردنه‌وه‌ی به‌ ماوه‌یه‌کی که‌م ئه‌نجامی سه‌رکه‌وتنی دیاری ئه‌دات زۆربه‌ی زۆری به‌رهه‌م له‌ 2 هه‌فته‌ی یه‌که‌مدا ئه‌فرۆشرێت، ئه‌گه‌ر به‌رهه‌مه‌که‌ی به‌ڕێزتان فرۆشی نه‌بووه‌ با ڕونکردنه‌وه‌تان بدایه‌، سه‌نه‌که‌وتن نه‌نگی نییه‌ نه‌نگی ئه‌وه‌یه‌ که‌ گاڵته‌ به‌ هه‌ستی چه‌ند ملیۆنێک خه‌ڵک بکه‌یت له‌ کاتێکدا که‌ چاوه‌ڕێی دیاریه‌کانتن. به‌ڕێز ئه‌گه‌ر مه‌به‌ستان له‌و ڕیکلامه‌ سه‌ره‌تاییه‌ و به‌و به‌ربڵاوییه‌ی که‌ کردتان له‌ هه‌موو سوچێکی کوردستان و له‌ هه‌موو ماڵپه‌ڕه‌ کوردیه‌کاندا چه‌ندها بابه‌تی له‌سه‌ر نوسرا ئه‌وه‌ بێت که‌ سه‌رنجی ڕای گشتی به‌لای خۆتاندا ڕابکێشن، له‌وانه‌یه‌ بۆ ماوه‌یه‌ک ئه‌مه‌ بچێته‌ سه‌ر به‌ڵام بۆ ئه‌به‌د ناچێته‌ سه‌ر، که‌سیش ئه‌وه‌نده‌ بێویژدان نییه‌ که‌ چاوه‌ڕوانی ده‌ریاییه‌ک پرۆژه‌ له‌ به‌ڕێزتان یاخود هه‌ر هونه‌رمه‌ندێکی تر بێت هه‌ر ئه‌وه‌نده‌ی توانای هونه‌رمه‌ند له‌وانه‌یه‌ توانای کردنه‌وه‌ی چه‌ند قوتابخانه‌یه‌ک یاخود چه‌ند پرۆژه‌یه‌کی ئاو یان هه‌ر کارێکی تر گرنگ ئه‌وه‌یه‌ خۆت به‌ به‌رپرسیار بزانیت له‌ به‌رامبه‌ر به‌ڵێنه‌کانتدا. لێره‌دا ئه‌مه‌وێت بڵێم چیتر به‌سه‌ خه‌ڵک به‌ گێژ مه‌زانن ئه‌وه‌نده‌ی به‌ڵێن درا به‌ ئه‌نفال و به‌ هه‌ڵبجه‌ ئه‌گه‌ر نیو ئه‌وه‌نده‌ی به‌ڵێنه‌کان کاریان بۆ بکرایه‌ ئێستا کوردستانێکی ئاوه‌دانمان هه‌بوو به‌سه‌ جیتر به‌ناوی ئه‌نفال و هه‌ڵبجه‌وه مه‌یه‌نه‌ ناو خه‌ڵکه‌وه‌ و سه‌رنجی خه‌ڵک ڕابکێشن.


موضوع: | نوسينه كان:
له‌پاش کۆتای هاتنی دواین یاری جامی جیهانی و بوونه‌ پاڵه‌واسنی ئیسپانیا ده‌سته‌ی به‌ڕێوه‌بردنی یاریه‌که‌ که‌له‌لایه‌ن فیفاوه‌ ده‌ستنیشانکراوه‌ هه‌ستان به‌دیاریکردنی ئه‌ندریس ئینێستا وه‌ک پیاوی یاری کۆتای مۆندیال ئه‌مه‌ش به‌هۆی ئه‌وه‌وه‌ بوو که‌ ئینێستا توانی ئاستێکی زۆر باش پێشکه‌ش بکات و تاکه‌ گۆڵی بردنه‌وه‌ی یاریه‌که‌شی تۆمار کرد وه‌ هه‌ر به‌و گۆڵه‌ش هه‌ڵبژارده‌که‌ی کرده‌ پاڵه‌وانی جیهان بۆ یه‌که‌مین جار.


موضوع: | نوسينه كان:
 

كا سى مونديال نرخى ۱۵۰مليؤن يؤرؤ يه ۱۱ياريزان به رزى كرده وه تا ۲۰۳۸


موضوع: | نوسينه كان:
fireworks

موضوع: | نوسينه كان:

موضوع: | نوسينه كان:
 به نداودی  ده ربه ندیخان

موضوع: | نوسينه كان:

كوردستان: کەمبوونەوەى مەوداى بینین، بۆ 500 مەتر ..

بەهۆى ئەو کاریگەرى ئەو ناوچانەى کەوتوونەتە خۆرئاواى هەرێمى کوردستان بەڕەشەباى خۆڵاوى کە ئەمەش بۆتە هۆى کەمبوونەوەى مەوداى بینین،کە مەوداى بینین تەنها 500 مەترە . لەم بارەیەوە حەسەن وەها ب بەڕێوبەرى گشتى کەشناسى و بوومەلەرزەى هەرێمى کوردستان لە لێدوانێکى تایبەت بە سپێدە گوتى: 


موضوع: | نوسينه كان:

پاکستان : لەدەرەنجامى کردەیەکى خۆکوژى لەشارى مەنغۆرا شەش کەس کوژران

بەپێ ى هەواڵێکى پەیامنێرى کەناڵى (ڕوسیا الیوم)کەلە سەرچاوەیەکى پۆلیسى پاکستانى  گواستۆتەوە ، لەئەنجامى کردەیەکى خۆکوژیدالەشارى (مەنغۆرا)ى گەورەترین شارى وادى سوات لەباکورى ڕۆژئاواى پاکستان ،شەش کەس کوژران و پانزەى دیکەش برینداربوون، تەقینەوەکەش  خاڵێکى پشکنینى سەرەکى پۆلیسى پاکستانى کردۆتە ئامانج.
سەرچاوەکە ڕاشیگەیاندووە کەزۆربەى بریندارەکان برینەکانیان سەختەو چاوەڕوانیش دەکرێ ژمارەى کوژراوەکان بەرەوبەرزبوونەوە بچێت. دواى تەقینەوەکەش پێکدادان لەنێوان چەکداران و هێزەکانى پۆلیس ڕوویانداوە.
تەقینەوەکە زیانێکى زۆرى لەچەندین دوکان و بینا و خانووەکانى نزیک ڕووداوەکەگەیاندووە. 


موضوع: | نوسينه كان:
images1379040_pato_2.jpg

 به رشه لو نه بؤ يه كه مجار دا واى با تو ده كات



 
تريكلام